حاجات مهمة لازم تعرفها وانت رايح تقسط مشترياتك
قال أحمد عز الدين الخبير الاقتصادي أنه حقائق مهمة يجب أن تعرفها المواطن عند الاتجاه لشراء اي شئ بالتقسيط واضاف عز الدين علي صفحته علي موقع التواصل الاجتماعي فيس بوك أن اهم هذه الحقائق
ان هناك شركات بتشتغل في صناعة ال Buy Now Pay Later (BNPL) أو اشتري دلوقتي وادفع بعدين.. ودول مش قليلين زي بريمويم كارد وفاليو وامان وشهري.. إلخ.
- السوق دة مش صغير وبيكبر في العالم كله؛ في انجلنرا مثلاً، ارتفع حجم التعاملات في سنه واحدة ب 70% (كان 2.7 مليار دولار في 2020 ووصل ل 6.4 مليار دولار في 2021).
- أغلب مستخدمية شباب بين سن 20 ل 35 سنه.. يعني في سن بيبقوا في أمس الحاجة لترشيد سلوكهم الاستهلاكي.
- تقدر تستخدم التمويل ده في أي حاجة حتى الأكل والمطاعم وال hyper markets.
- التضخم وارتفاع الاسعار بيجبر الناس أكتر انها تستخدم طريقة التمويل دي، في محاولة منهم انهم ميحسوش بارتفاع الاسعار.
- الفايدة والمصاريف الإدارية إلي بتدفع في الشركات بتبقى أعلى من القرض الشخصي ب 10% تقريباً، يعني بتوصل ل ٣٠٪ أو أكتر.
- في دراسة اتعملت سنة 2021، الناس اللي بتستخدم طريقة التمويل دي بتشتري حاجات مكنوش محتاجينها ولا هيشيتروها لو مش بيستخدمو ال(BNPL) ؛ وانها بتساعدهم على عملية الشراء المفاجىء أو impulse purchase ودي أخطر حاجة ممكن حد يتعود عليها.
- في نفس الدراسة لقوا إن الناس دي بتبتدي تستخدم الBNPL في شراء سلع أساسية ومعمرة وشوية شوية بيستخدموها في حاجات ملهاش لازمة.
- المكان اللي بتشتري منه بيكون عامل خصم لشركات ال BNPL أو/ و مديلهم مصاريف ثابتة على كل معاملة ودي بتبقى مشكلة لما تحب ترجع الحاجة وبتخلية مزود فوق السعر الطبيعي من 8 ل 12%.
- ال BNPL مش حاجة كويسة أو مش كويسة، كل حل تمويلي بيقى في عيوب ومميزات والشاطر يختار صح.
