اسامة سماحة يكتب من باريس : "العلاقات THE RELATIONS"
ذهبت مع صديق لي إلى إحدى المطاعم ، وعندما تناول وجبة العشاء قال لي ده أجمل مطعم وأجمل عشاء تناولته في حياتي ، ده كل المطاعم اللي دخلتها واكلتها سيئة جدًا.
عارف يا أسامة : الاكل ده عامل زي العلاقات كل ما تاكل أكله جديدة وتتذوقها وتحس بالفرق بينها وبين اللي أكلتها قبل كده وتلاقي الأطعم والألذ والأخف على معدتك كمان وصحتك ، ساعتها تقول ايه اللي كنت باكله ده ومتعلق بيه ..!!؟
زي علاقة قديمة كنت متعلق بيها قوي وبتحبها قوي ولما تقابل علاقة تانيه وتلاقيها أجمل وأفضل وأرق ، تندم ساعتها على وقت ضيعته مع حد ميستاهلش وقتك وفلوسك ومشاعرك اللي ضيعتهم مع حد رخيص .
قولتله : ايه كل اللي انت شايله ده جواك احكيلي احكيلي قالي يا أسامة اللي فات مات قولتله : البقاء لله أدفع انت بقى الحساب يا ريس وتعيش وتآكل ولا تندم على اللي فات ، الحياة تجارب يا حمادة ولازم تجرب علشان تعرف مين الأفضل
Contact: [email protected]
